Handbok i HTML
Innleiding
Den lettaste måten å læra seg HTML på, er gjenom døme. Her er eit einfelt døme på HTML-uppmerkjing:
<html> <head> <title>Dette er ei ny sida</title> </head> <body> <h1>Dette er ei stor yverskrift</h1> <p>Dette er ein bolk med både <b>feit</b> og <i>kursiv</i> skrift</p> </body> </html>
<html>, <body>, <i> osb., kallar me med eit samlenamn ein merkjing.
Fyrste merkjing er <html>, som merkjer byrjingi på HTML-dokumentet. Siste merkjing er </html>, som merkjer enden på HTML-dokumentet.
Umrådet millom <head> og </head> synest ikkje i netlesaren, men inneheld annan informasjon.
Millom <title> og </title> stend namnet på sida.
Umrådet millom <body> og </body> synest i netlesaren.
<h1> merkjer at teksti er ei yverskrift. Ein kann òg laga underyverskrifter med <h2>, <h3> osb. Mrk.: Ein nyttar ikkje desse til å brigda storleiken på yverskrifti. For HTML-uppmerkjingi skal merkja skipnaden, og ikkje utsjånaden.
<p> merkjer at teksti er ein bolk, <b> at teksti er feit, og <i> at teksti er kursiv.
Mrk.: Ein må hugsa å setja på ende-merkjing. T.d. vil <b> utan </b> gjera all teksti etter feit.
Verkty for HTML-uppmerkjing
- Mac OS X:
- Gnu/Linux, BSD osb.:
- Win32:
- Java:
Peikarar
Ein peikar eller ein lekk viser til ein annan stad ved påtrykk.
Grunnformatet sér slik ut:
<a href="adressa">Peikartekst</a>
Viser til onnor sida:
<a href="onnorsida.html">Onnor sida</a>
Viser til annan netstad:
<a href="http://www.annannetstad.no/">Annan netstad</a>
Mrk.: Skal sida visast i eit nytt netlesarvindauga, må du leggja til tillegget _blank:
<a href="http://www.annannetstad.no/" target="_blank">Annan netstad i nytt vindauga</a>
Korleis visa til ein serskild stad på ei sida, anten på same sida eller på ei onnor sida
Viser til serskild stad på same sida:
<a href="#serskildstad">Sjå tekst på annan stad</a>
Denne staden må merkjast, slik at netlesaren veit kvar han skal:
<a name="serskildstad">Dette er teksti på annan stad</a>
Viser til serskild stad på onnor sida:
<a href="onnorsida.html#onnorsida">Sjå tekst på onnor sida</a>
Laga peikar til epost med brevemnet "Eg hev lært meg HTML!":
<a href="mailto:nokon@einstad.no?subject=Eg%20hev%20lært%20meg%20HTM!"> Send epost</a>